الشرطه تريد اسقاط النظام ...!!!

طلبوا منا الصفح والسماح على ما ارتكبته ايديهم من جرائم في حق الشعب المصري .. اطلقوا حملة اعلانيه لتحسين العلاقه بين الشرطه والشعب .. اعادوا الشعار القديم للشرطه " الشرطه في خدمة الشعب " عملوا جروب ع الفيس بوك ... وبعدين نايمين في مكاتبهم وبيوتهم تحت التكييف وسايبين البلد تولع ...
الشرطه مازالت تواصل مسلسل التخازل والظلم والقهر على الشعب المصري
مازال رجال الشرطه يعتقدون انهم هم الاسياد ومادون ذلك عبيد .. والعبد لما صوتوا يعلى على سيده يبقى لازم يتربى ، طب نربي الشعب ابن ...... اللي قهرنا ده ازاي ؟؟؟
نتركه يذبح ويروع من قبل البلطجيه ولانعبروا اي اهتمام؟؟
نسمع ان فيه فتنه هتحرق البلد .. ونطنش .. بل نقدم يد العون للبطجيه والمتشددون ؟؟؟
طلق نار ورشاش آلي في منطقة ما وهذا يتكرر يوميا .. والمواطنين يستغاثون بالشرطه .. والرد في التلفون .. لما يموت حد ابقوا اتصلوا بينا .. نفس سياسة العهد البائد .. واللي فيه خصله عمروا ماهيبطلها .. طالما مفيش عقاب على هذا التخازل من قبل وزير الداخليه حنون القلب ؟؟
اذا ماهوالحل .. ؟؟
نسيبها تخرب ؟؟
قلنا هذا ما يريده فلول وبقايا النظام السابق ؟؟ من اجل ان يرجعونا 100 سنه للوراء ؟؟
قلنا طول ما فيش امن مفيش سياح .. ومفيش استثمار .. ومفيش عجله هتلف وتدور .. وبالتالي هيبقى فيه سلف وشحاته من خلق الله ...!!
هي الحكومه التي اخترناها نحن تريد مساعدتنا .. ام تريد توريطنا ؟؟
يارجال الشرطه ياشرفاء .. الشعب المصري اطيب شعب على وجهه الارض وسامحكم بس انتوا راعوا ربنا في عملكم .. ابدأوا صفحه جديده مع هذا الشعب العظيم .. ضعوا ايديكم في ايد الشعب المصري .. والخير والامن والامان هيعود على الجميع ؟؟
ما هو انتوا هتحترموا الشعب المصري يعني هتحترموه؟؟
لكنها مسألة وقت ..؟؟
لكن وقفتكم اليوم مع الشعب المصري هتفرق كتير ؟؟ وهترفع شانكم كتير عن الشعب المصري
بعدذلك اوضاع البلد هتستقر ان شاء الله بانتخاب مجلس شعب جديد وحكومه جيديه ورئيس جديد اختارهم الشعب ، ويومها شكلكم هيكون سئ جدا.. لانكم لو تخازلتم بالبلدي " هتاخدوا استماره6
ارجوكم قدموا لأنفسكم ..؟؟
ارجوكم ساعدوا رجال الجيش ..!!
الجيش لن يفعل كل شئ ..؟؟ نحن هكذا نحتاج جيشين فوق جيشنا ؟؟
الوزير بيتحجج .. ان مفيش اعداد كافيه من الظباط .. وان ظباط كتير قدمت استقالتها ؟؟
قلنا خرجوا طلاب 4 و3 شرطه ؟؟
قلنا أهلوا طلاب حربيه ؟؟؟ او عساكر الجيش؟؟
قلنا اقبلوا طلاب حقوق وتربيه رياضيه واعدادهم بالالفات .. ومستنيين اشاره من صباعك يامعالي الوزير ؟؟
الحلول كتير ؟؟
بس مفيش نيه للحل ؟؟
الشرطه تريد اسقاط النظام .. حتى تثبت للمصريين انها هي النظام وبديلها الفوضى .. ولابد ان نعبدها ونصلي لها حتى تمنحنا هذه المنحه .. الا وهي منحة الامن والامان ..!!
يارب عدي اليومين دول على خير لغايه مانختار مجلس الشعب ورئيس الجمهوريه ويجيبلنا الحكومه اللي تخاف ع الشعب .. مش حكومة تسيير اعمال ..؟؟
لك الله ياشعب مصر