مخفيش عليكم .. احساسي بقيمتي كمعلم .. وكمربي اجيال .. وكمسؤل عن مصير امه كان معدوم في عهد الديكتاتور والطاغيه مبارك ..الطلاب ميفرقوش معايا .. ينجحوا يسقطوا ..ولا تفرق معايا ..انا بشرح وبحلل القرشانات ومليش دعوه بعد كده بالدنيا كلها .. انشالله تولع
اه سلبي .. مكدبش عليكم .. لكن اعمل ايه في ظل منظومه تعليميه فاسده .. ونظام حاكم فاسد .. خلى قيمه افضل ناس في البلد بقت في الحضيض .. المعلم اللي في اليابان بيدخلوا الفصل يقلعوا الجزم احتراما له .. في مصر بيخلعولوا الجزم تأديبا له..!!
كنت كاره الشغلانه .. وبقول اهوه .. قرشين البس وآكل بيهم .. عيش حاف طبعا
كنت بتمنى اني اعمل حاجه للبد .. لكن قلتي لنفسي .. غور ياض .. اللي خلى علما معرفوش يعملوا حاجه وطفشوا .. تيجي انت ياحتت مدرس عايز تتنطط فيها
سكت .. وسكتت جوايا احلامي .. وانطفى ضوء الامل في عنيا .. مستنى اتثبت بس .. ياسلام .. واهاجر بقى واسافر .. اشوفلي بلد تديني ولو 20 % من كرامتى المهدوره
وقامت الثوره على حين غره ..بيني وبينكم انا بعد ثوره تونس قلت ممكن ده يحصل في مصر .. قلت مستحيل .. ده المواطن المصري لو الحاكم فقعلوا عين .. يقول مش فيه واحده تانيه شغاله .. يبقى رضا
قامت الثوره .. وكل يوم الشبان اللي زي الورد دول بيثبتوا في الميدان بيزداد الامل جوايا
وادعيلهم
واقول يارب حقق حلمنا كلنا .. والله مصر تستاهل .. المواطن المصري يستاهل انه يكون في الصداره بدل ما احنا طول عمرنا عمالين نجري ورا باقي الشعوب لما نفسنا اتقطع
والحمد لله اتحقق المراد
ونجحت الثوره
وكان اول يوم ليا كمدرس بعد الثوره
مش ممكن اوصفلكم احساسي
والله العظيم .. مش اقدر .. انا حاسس اني اختلفت تماما
والطلبه اختلفوا تماما..مش عارف حاسس حاجه غريبه .. حاجات مكنتش شايفها .. حاجات هما (التلاميذ) مكنوش حاسين بيها
ماشاء الله .. حاسس اني بقدم رساله لمصر .. ولازم أديها على اكمل وجه .. انا مكنتش مقصر .. بس كنت بحلل القرشانات .. لكن دلوقت .. حاسس بالاحساس اللي كل المعلمين في العالم بيحسوا بيه … وهو الاستمتاع بالعمليه التعليميه
ايوه.. مش ده لساني اللي بيتكلم
مش دي ايدي اللي بتكتب على الصبوره
مش ده زهني اللي دايما شارد في حال البلد وظروفها اللي زي الزفت
مش دول الطلبه اللي عايز اولع فيهم بجاز .. لأ .. انا بحبهم وعايزهم يبقوا اعظم طلبه في العالم
يلعنك يامبارك .. انت عملت فينا ايه .. بهدلتنا يابعيد
انا سعيد اننا مدرس في مصر .. مش ممكن اتخلى عن وظيفتي ابدا … اشرف مهنه في الوجود .. ورثه الانبياء
ومش ههاجر .. انا قاعدلكم بقى …هو فيه افضل من انك تكون معلم
ــــــــــــــــــــــــــــــــــــــــــــــ
على جمب
النهارده .. واول يوم ليا في الدراسه بعد الثوره .. الطلبه عاملين ثوره وعايزين يخلعوا رئيس الفصل .ز لانه في عهده (3 شهور) اختفى يجي 100 قلم جاف من الادراج .. مع انهم اختاروه في انتخابات والله وعلى ايدي .. لكن نقول ايه عدوى الثورات ههههههه
اه سلبي .. مكدبش عليكم .. لكن اعمل ايه في ظل منظومه تعليميه فاسده .. ونظام حاكم فاسد .. خلى قيمه افضل ناس في البلد بقت في الحضيض .. المعلم اللي في اليابان بيدخلوا الفصل يقلعوا الجزم احتراما له .. في مصر بيخلعولوا الجزم تأديبا له..!!
كنت كاره الشغلانه .. وبقول اهوه .. قرشين البس وآكل بيهم .. عيش حاف طبعا
كنت بتمنى اني اعمل حاجه للبد .. لكن قلتي لنفسي .. غور ياض .. اللي خلى علما معرفوش يعملوا حاجه وطفشوا .. تيجي انت ياحتت مدرس عايز تتنطط فيها
سكت .. وسكتت جوايا احلامي .. وانطفى ضوء الامل في عنيا .. مستنى اتثبت بس .. ياسلام .. واهاجر بقى واسافر .. اشوفلي بلد تديني ولو 20 % من كرامتى المهدوره
وقامت الثوره على حين غره ..بيني وبينكم انا بعد ثوره تونس قلت ممكن ده يحصل في مصر .. قلت مستحيل .. ده المواطن المصري لو الحاكم فقعلوا عين .. يقول مش فيه واحده تانيه شغاله .. يبقى رضا
قامت الثوره .. وكل يوم الشبان اللي زي الورد دول بيثبتوا في الميدان بيزداد الامل جوايا
وادعيلهم
واقول يارب حقق حلمنا كلنا .. والله مصر تستاهل .. المواطن المصري يستاهل انه يكون في الصداره بدل ما احنا طول عمرنا عمالين نجري ورا باقي الشعوب لما نفسنا اتقطع
والحمد لله اتحقق المراد
ونجحت الثوره
وكان اول يوم ليا كمدرس بعد الثوره
مش ممكن اوصفلكم احساسي
والله العظيم .. مش اقدر .. انا حاسس اني اختلفت تماما
والطلبه اختلفوا تماما..مش عارف حاسس حاجه غريبه .. حاجات مكنتش شايفها .. حاجات هما (التلاميذ) مكنوش حاسين بيها
ماشاء الله .. حاسس اني بقدم رساله لمصر .. ولازم أديها على اكمل وجه .. انا مكنتش مقصر .. بس كنت بحلل القرشانات .. لكن دلوقت .. حاسس بالاحساس اللي كل المعلمين في العالم بيحسوا بيه … وهو الاستمتاع بالعمليه التعليميه
ايوه.. مش ده لساني اللي بيتكلم
مش دي ايدي اللي بتكتب على الصبوره
مش ده زهني اللي دايما شارد في حال البلد وظروفها اللي زي الزفت
مش دول الطلبه اللي عايز اولع فيهم بجاز .. لأ .. انا بحبهم وعايزهم يبقوا اعظم طلبه في العالم
يلعنك يامبارك .. انت عملت فينا ايه .. بهدلتنا يابعيد
انا سعيد اننا مدرس في مصر .. مش ممكن اتخلى عن وظيفتي ابدا … اشرف مهنه في الوجود .. ورثه الانبياء
ومش ههاجر .. انا قاعدلكم بقى …هو فيه افضل من انك تكون معلم
ــــــــــــــــــــــــــــــــــــــــــــــ
على جمب
النهارده .. واول يوم ليا في الدراسه بعد الثوره .. الطلبه عاملين ثوره وعايزين يخلعوا رئيس الفصل .ز لانه في عهده (3 شهور) اختفى يجي 100 قلم جاف من الادراج .. مع انهم اختاروه في انتخابات والله وعلى ايدي .. لكن نقول ايه عدوى الثورات ههههههه
ليست هناك تعليقات:
إرسال تعليق