بعد ما الشعب طلعلوا صوت وبقى بيتكلم ..وكمان بقت له اسنان والكل بيعملوا الف حساب.. تم الموافقه على جميع طلبات معلمي الازهر المتعاقدين .. وتم تثبيتهم من دون شروط .. وكمان امتحان للكادر بدون شروط اياها .. اللي كانوا بيتفننوا فيها علشان يعقدونا من عيشتنا .. ويخلونا نكره حتى الهدوم اللي علينا
ياه اخيرا هتثبت اديلنا 5 سنين منذ تعييني بقول ياناس .. ياخلق .. عايزين نتثبت .. وكل شويه اشاعات .. فيه تثبيت في يناير .. لا يوليو .. لا يناير .. لا لا يوليو .. وكانوا فعلا بيثبتونا بس بالكلام
دلوقت بوقفه احتاجيجيه قدام اي مؤسسه .. يطلعلك المسؤول .. يحب على راسك .. وينفذلك مطالبك في الحال.. وكمان احلى كوبايه شاي وسجاره للناس اللي دماغها عاليه .. كان فين ده من زمان .. لازم نعلي صوتنا يعني
خدت بعضيا بعد ما المنشور جه بضروره ارسال اوراقنا للمنطقه الازهريه باسيوط لعمل اللازم لزوم التثبيت .. ركبت العربيه الأجره .. وما شاء الله
جميع الاطياف في العربيه
اخ ملتحي
شاب فانكي
اخت قبطيه
وفلاح جاهل
وانا مدرس
في الحالات العاديه دي خلطه مش منطقيه .. والمفروض نفضل ساكتين لاخر السكه .. ممكن نتكلم في حاله واحده بس .. اننا نلم الاجره من بعضينا ومعتقدش كمان هيكون فيه كلام كتير الاجره 2 جنيه .. وكل واحد عامل حسابه
واول ما العربيه انطلقت حبيت انكش الاخ الملتحي .. هتستفتي ولا لأ.. ..قالي ان شاء الله ياأخي .. طب هتقول أه ولا لأ
عايزين البلد تهدى شويه .. انا هقول آه
قولتله بس احنا من حقنا دستور جديد .. يحقق مطالبنا اللي بنحلم بيها.. وميخليش اللي جاي زي اللي قبله ..
محدش هيجرؤ يااستاذ .. كل رئيس جاي عارف ان الشعب ده مش هيسكت على غلط تاني ( هو قال)..؟؟
وجهه نظر انا احترمها طبعا
اهم حاجه انا قال انه هيروح وهيشارك في الاستفتاء شئ مبشر
فز الاخ الفلاح وبصوت عالي .. طيب يابيه الفلوس اللي سرقوها الحراميه دول هترجع تاني ولأ لأ
هترجع ان شاء الله ياحج (ده انا)..!!
رد عليا : ياريت خلينا نعرف نعيش شويه في البلد .. لاعارفين نزرع ولا عارفين نقلع .. شكاره الكيماوي بقت ب……بصراحه نسيت الرقم ..بس اكيد كبير يعني
قولتله .. متقلش ياحج .. كل شئ غلط حصل في عهد مبارك هيتصلح ان شاء الله .. وفي اقرب وقت هتحس بالفرق .. في رغيف العيش .. في اسعار السلع .. في تمن شيكاره الكيماوي .. في ابنك اللي مش لاقي شغل .. املنا في الله كبير في الفتره الجايه ..
ياريت يابيه
ردت الاخت المسيحيه : ما هم مش سايبينا في حالنا لدلوقت .. وعمالين يوقعوا الشعب في بعض .. بتوع الوطني
رد عليها الاخ الملتحي: انتي بتقولي فيها ياختي .. الاسبوع اللي فات كانت هتقوم فتنه كبيره في الدير(ده اسم قريه في مركز القوصيه بها اكبر دير في اسيوط)بسبب جماعه من الحزب الوطني راحوا للمسلمين وقالولهم المسيحيين هيهدموا قبور المسلمين اللي ورا الدير علشان هيوسعوا الدير .. وراحوا للمسيحيين وقالولهم المسلمين ناويين يبنوا جامع جمب الدير مكان القبور واحتمال يهدوا الدير
وشاط الاهالي غضبا سواء المسلمين او المسيحيين .. وهموا هيمسكوا بعض بعد ماجمعوا نفسيهم … وربنا ستر ووقف ولد الحلال في اخر لحظه .. قالولهم انتم شفتم قبور اتهدمت .. او جامع اتبنى .. محدش رد .. قالولهم ياخوانا فيه ناس غاويه توقع بينا .. مفيش حاجه هتحصل .. والحمد لله النفوس هديت وصفيت وبقت احسن من الاول كمان
بس والله من هنا ورايح لو حد حب يوقع بينا تاني والله لانا اقف له واضربه ( ده كلام الاخ الملتحي ) بكل حسم واصرار
هو احنا لينا غير بعض ..ده انا لسه ابونا سمعان هديني من يوم بلفه سكر .. وانا هديته لوحه حلوه والله مالينا غير بعض ياخوانا
رد الاخ الفلاح :: الحمد لله والله طول عمرنا سمن على عسل ده فين ايام زمان .. كان الشارع فيه فرن واحد يخبز عليه 10 بيوت مسيحيين ومسلمين .. لقمتنا واحده وضحكتنا واحده وهمنا واحد
ويوم ما مات القس السنه اللي قبل اللي فاتت والله المسلمين كانوا وراه اكتر من المسيحيين
السواق انتهز الفرصه وحب يدخل في الحوار الوطني الحر ده .. وقال: انا والله حصلتلي حدثه السنه اللي فاتت .. والحمد لله طلعت منها سليمه بس اتعور مننا واحد مسيحي .. اتبرعتله بكيلوا ونص دم (قصده لتر يعني) ومعرفوش اهله اني مسلم غير بعدين خالص .. حاولوا يقولوا يابني اللي تؤمر بيه ندهولك ..قلتهم يااخونا ده واجب على اي حد في مكاني
الاخت القبطيه :: مش حرام عليه العادلي اللي ملهوش دين يقتل 22 مسيحي من غير ذنب (قصدها على حادثه القديسين)
رد الملتحي : هو فرق بين دم مسلم ومسيحي .. ده قاتل مننا في المعتقلات 600 مسلم
خلاص
هي دي الحتوته المصريه
الهم واحد .. والفرح واحد .. حاولوا يبنوا بين جدار كبير .. علشان منشوفش حقيقه بعض النقيه الطاهره .. ويشوفوا هما مصاليحهم .. ولكن الله اراد ان يذيب جدار الثلج .. وتعود الامه واحده متماسكه
ــــــــــــــــــــــــــــــــــــــــــــــــــــــــــ
على جمب
السواق في اخر سكه حب ينكش الركاب .. كنا نقدر نتكلم في السياسه من شهرين .. كنا نخون بعض ونقول مخبر وسطينا .. او عربيه امن الدوله مستنيانا في نهايه السكه .. اخيرا الشعب نطق ياجدعان
ياه اخيرا هتثبت اديلنا 5 سنين منذ تعييني بقول ياناس .. ياخلق .. عايزين نتثبت .. وكل شويه اشاعات .. فيه تثبيت في يناير .. لا يوليو .. لا يناير .. لا لا يوليو .. وكانوا فعلا بيثبتونا بس بالكلام
دلوقت بوقفه احتاجيجيه قدام اي مؤسسه .. يطلعلك المسؤول .. يحب على راسك .. وينفذلك مطالبك في الحال.. وكمان احلى كوبايه شاي وسجاره للناس اللي دماغها عاليه .. كان فين ده من زمان .. لازم نعلي صوتنا يعني
خدت بعضيا بعد ما المنشور جه بضروره ارسال اوراقنا للمنطقه الازهريه باسيوط لعمل اللازم لزوم التثبيت .. ركبت العربيه الأجره .. وما شاء الله
جميع الاطياف في العربيه
اخ ملتحي
شاب فانكي
اخت قبطيه
وفلاح جاهل
وانا مدرس
في الحالات العاديه دي خلطه مش منطقيه .. والمفروض نفضل ساكتين لاخر السكه .. ممكن نتكلم في حاله واحده بس .. اننا نلم الاجره من بعضينا ومعتقدش كمان هيكون فيه كلام كتير الاجره 2 جنيه .. وكل واحد عامل حسابه
واول ما العربيه انطلقت حبيت انكش الاخ الملتحي .. هتستفتي ولا لأ.. ..قالي ان شاء الله ياأخي .. طب هتقول أه ولا لأ
عايزين البلد تهدى شويه .. انا هقول آه
قولتله بس احنا من حقنا دستور جديد .. يحقق مطالبنا اللي بنحلم بيها.. وميخليش اللي جاي زي اللي قبله ..
محدش هيجرؤ يااستاذ .. كل رئيس جاي عارف ان الشعب ده مش هيسكت على غلط تاني ( هو قال)..؟؟
وجهه نظر انا احترمها طبعا
اهم حاجه انا قال انه هيروح وهيشارك في الاستفتاء شئ مبشر
فز الاخ الفلاح وبصوت عالي .. طيب يابيه الفلوس اللي سرقوها الحراميه دول هترجع تاني ولأ لأ
هترجع ان شاء الله ياحج (ده انا)..!!
رد عليا : ياريت خلينا نعرف نعيش شويه في البلد .. لاعارفين نزرع ولا عارفين نقلع .. شكاره الكيماوي بقت ب……بصراحه نسيت الرقم ..بس اكيد كبير يعني
قولتله .. متقلش ياحج .. كل شئ غلط حصل في عهد مبارك هيتصلح ان شاء الله .. وفي اقرب وقت هتحس بالفرق .. في رغيف العيش .. في اسعار السلع .. في تمن شيكاره الكيماوي .. في ابنك اللي مش لاقي شغل .. املنا في الله كبير في الفتره الجايه ..
ياريت يابيه
ردت الاخت المسيحيه : ما هم مش سايبينا في حالنا لدلوقت .. وعمالين يوقعوا الشعب في بعض .. بتوع الوطني
رد عليها الاخ الملتحي: انتي بتقولي فيها ياختي .. الاسبوع اللي فات كانت هتقوم فتنه كبيره في الدير(ده اسم قريه في مركز القوصيه بها اكبر دير في اسيوط)بسبب جماعه من الحزب الوطني راحوا للمسلمين وقالولهم المسيحيين هيهدموا قبور المسلمين اللي ورا الدير علشان هيوسعوا الدير .. وراحوا للمسيحيين وقالولهم المسلمين ناويين يبنوا جامع جمب الدير مكان القبور واحتمال يهدوا الدير
وشاط الاهالي غضبا سواء المسلمين او المسيحيين .. وهموا هيمسكوا بعض بعد ماجمعوا نفسيهم … وربنا ستر ووقف ولد الحلال في اخر لحظه .. قالولهم انتم شفتم قبور اتهدمت .. او جامع اتبنى .. محدش رد .. قالولهم ياخوانا فيه ناس غاويه توقع بينا .. مفيش حاجه هتحصل .. والحمد لله النفوس هديت وصفيت وبقت احسن من الاول كمان
بس والله من هنا ورايح لو حد حب يوقع بينا تاني والله لانا اقف له واضربه ( ده كلام الاخ الملتحي ) بكل حسم واصرار
هو احنا لينا غير بعض ..ده انا لسه ابونا سمعان هديني من يوم بلفه سكر .. وانا هديته لوحه حلوه والله مالينا غير بعض ياخوانا
رد الاخ الفلاح :: الحمد لله والله طول عمرنا سمن على عسل ده فين ايام زمان .. كان الشارع فيه فرن واحد يخبز عليه 10 بيوت مسيحيين ومسلمين .. لقمتنا واحده وضحكتنا واحده وهمنا واحد
ويوم ما مات القس السنه اللي قبل اللي فاتت والله المسلمين كانوا وراه اكتر من المسيحيين
السواق انتهز الفرصه وحب يدخل في الحوار الوطني الحر ده .. وقال: انا والله حصلتلي حدثه السنه اللي فاتت .. والحمد لله طلعت منها سليمه بس اتعور مننا واحد مسيحي .. اتبرعتله بكيلوا ونص دم (قصده لتر يعني) ومعرفوش اهله اني مسلم غير بعدين خالص .. حاولوا يقولوا يابني اللي تؤمر بيه ندهولك ..قلتهم يااخونا ده واجب على اي حد في مكاني
الاخت القبطيه :: مش حرام عليه العادلي اللي ملهوش دين يقتل 22 مسيحي من غير ذنب (قصدها على حادثه القديسين)
رد الملتحي : هو فرق بين دم مسلم ومسيحي .. ده قاتل مننا في المعتقلات 600 مسلم
خلاص
هي دي الحتوته المصريه
الهم واحد .. والفرح واحد .. حاولوا يبنوا بين جدار كبير .. علشان منشوفش حقيقه بعض النقيه الطاهره .. ويشوفوا هما مصاليحهم .. ولكن الله اراد ان يذيب جدار الثلج .. وتعود الامه واحده متماسكه
ــــــــــــــــــــــــــــــــــــــــــــــــــــــــــ
على جمب
السواق في اخر سكه حب ينكش الركاب .. كنا نقدر نتكلم في السياسه من شهرين .. كنا نخون بعض ونقول مخبر وسطينا .. او عربيه امن الدوله مستنيانا في نهايه السكه .. اخيرا الشعب نطق ياجدعان
ليست هناك تعليقات:
إرسال تعليق